Nóg een vir mooie Minki!

December 15, 2016, 1:30 am

≫ Next: Sjoe, Lady Gaga sal jou laat huil

≪ Previous: Desiré se planne vir Kersfees

Vir die afgelope paar maande het Minki van der Westhuizen harte verower as die nuwe aanbieder van kykNET se realiteitsreeks Boer soek ’n vrou. Kykers is gek na haar. Met haar natuurlike sjarme en kristalhelder lag het sy boere en die vroue op hul gemak gestel – soos net Minki kan! Nou het sy ’n nuwe avontuur wat vir haar in 2017 wag: Nóg ’n aanbiedersrol! En dié keer is dit as veldaanbieder vir die kykNET-joernaalprogram Kwêla.

Maar kykers hoef nie bekommerd te wees nie, Minki sal steeds boere in Suid-Afrika help om liefde te vind.

Wil jy Minki se look op Boer soek ’n vrou kry? Lees meer hier.

Vir Minki is dit ’n voorreg om deel van die Kwêla-familie te wees.

“Ek is ongelooflik opgewonde om weer by ’n joernaalprogram aan te sluit en boonop is Kwêla een van my gunsteling-programme,” het Minki in ’n amptelike persverklaring gesê.

“Kwêla is ’n program wat fokus op gewone mense wat ongewone of inspirerende dinge doen en ek sien regtig uit daarna om met my onderhoude self deur sulke interessante mense geïnspireer te word.”

Hannes van Wyk, wat al vir ’n geruime tyd op die legendariese Kwêla-bank sit, sien uit om vir Minki as deel van hul span te hê.

“Minki is nie net beeldskoon van buite nie, maar ook van binne. Sy stel regtig belang in mense, daarom dink ek sy sal perfek wees as veldaanbieder van Kwêla. Daar is ’n diepte en omgee aan haar, wat haar die perfekte keuse gaan maak.”

Minki sal volgende jaar op 25 Januarie haar eerste verskyning maak. Intussen sal sy die feestyd saam met haar man, Ernst, en haar dogtertjies, Katerien en Elise, vier.

Kyk net hoe oulik is hul gesin:

Cape Wheel fun #elisehartjie #holidaymode Sunglasses by @sunglasshut #prada

A photo posted by Minki vd Westhuizen (@minkivanderwesthuizen) on Dec 13, 2016 at 2:20am PST

Swem by die Brinkies #sundays #summerloving #elisehartjie #katerienlief

A photo posted by Minki vd Westhuizen (@minkivanderwesthuizen) on Dec 11, 2016 at 1:45am PST

Strawberry picking……with a view. I love these mountains and feel so lucky and blessed to call this place my home. Happy kids happy wife Dankie ouma @carien.vdw, vir die bederf ‘outing’ #katerienlief #elisehartjie

A photo posted by Minki vd Westhuizen (@minkivanderwesthuizen) on Dec 10, 2016 at 9:48pm PST

Summer ready #elisehartjie

A photo posted by Minki vd Westhuizen (@minkivanderwesthuizen) on Dec 13, 2016 at 11:26pm PST

Lekkerste ding #jerkarlwedding #onlylove

A photo posted by Minki vd Westhuizen (@minkivanderwesthuizen) on Dec 4, 2016 at 4:20am PST

Vroeër vanjaar, met die verfilming van Boer soek ’n vrou, het Minki vertel hoe baie sy haar dogterjies se soentjies en drukkies gemis het. Maar gelukkig het manlief, Ernst, haar ondersteun. Katerien en Elise is mal oor hom. “Hy kan als doen wat ek doen. Van doek omruil tot trane afvee. Hy doen dit selfs beter as ek.”

Lees nou

Minki en Victoria’s Secret-model het dít gemeen

Minki verlang na kleintjies se drukkies

Minki se look vir ‘Boer soek ’n vrou’

The post Nóg een vir mooie Minki! appeared first on SARIE.

↧

Sjoe, Lady Gaga sal jou laat huil

December 15, 2016, 1:46 am

≫ Next: Amor speel feeks in Doringrosie

≪ Previous: Nóg een vir mooie Minki!

Hy was die liefde van haar lewe. Maar ná vyf jaar saam en ’n verlowing het Lady Gaga en die akteur Taylor Kinney se paadjies in Junie geskei. En dit lyk of sy steeds gebroke is oor hom.

Haar treffer “Million Reasons” is glo vir Taylor geskryf.

“Jy het my ’n miljoen redes gegee om weg te stap. Maar ek het net een goeie rede nodig om te bly …” weergalm Lady Gaga se gestroopte stem oor die eenvoudige klanke van ’n klavier en akoestiese kitaar.

Sy het gister haar musiekvideo vir “Million Reasons” uitgereik. In die video huil sy op die grond en haar span probeer haar troos. Sy’s te sien in dieselfde uitrusting as dié waarin sy die musiekvideo “Perfect Illusion” geskiet het.

SKERMGREEP Youtube

Kyk die roerende musiekvideo hier.

Lady Gaga het die hartseer nuus in Julie op sosiale media gedeel. “Ek en Taylor het nog altyd geglo dat ons sielsgenote is … Ons vat ’n blaaskans. Bly hoop vir ons. Ons is soos alle ander mense en is regtig lief vir mekaar.”

In ’n onderhoud met CBS News het sy die volgende oor liefde gesê:

“Ek dink vroue het baie innig lief. Ons is lief vir mans. Ons het lief met als wat ons het. En soms weet ek nie of daardie liefde beantwoord word met die soort waardigheid waarop ons hoop dit sal beantwoord word nie. Jy weet, ons probeer jou nie minder van ’n man maak nie. Ons wil net hê jy moet ons so diep en heelhartig en volledig liefhê soos wat ons jou liefhet.”

Die meeste van ons kan werklik verstaan waardeur sy gaan.

Lees nou

Desiré se planne vir Kersfees

Stoutseun Ryan Lochte word pa

Dié liedjies is die meeste gegoogle

The post Sjoe, Lady Gaga sal jou laat huil appeared first on SARIE.

↧

Amor speel feeks in Doringrosie

December 15, 2016, 5:47 am

≫ Next: FOTO: Die oulikste Kersvader nóg!

≪ Previous: Sjoe, Lady Gaga sal jou laat huil

Sy gaan dans, sing en toneelspeel – dié keer in die Afrikaanse musiekblyspel Doringrosie.

Amor Vittone praat met SARIE tydens haar vakansie by die see (sy verklap nie waar sy is nie). “Ek moet net wegkom van alles en rus.”

FOTO Facebook / Amor Vittone

Sy kan nie wag om te begin voorberei vir dié musiekblyspel nie. Dans, teater en toneelspel – sy hou van al drie.

“Maar dit gaan nie speletjies wees nie. Ek gaan sommige dae van 8 tot 10 oefen. Gelukkig het my ouers aangebied om te help met die kinders, Kylie (10) en Jordan (13).”

Sy moes voorberei vir dié rol terwyl sy ook die rol van Zelda in die SABC2-sepie 7de Laan gespeel het. “Hulle het vir my die woorde gestuur, wat ek moes leer.” Toe gaan staan sy maar met al die ander hoopvolles in ’n ry en lê die oudisie af. En die dag daarna het sy gehoor.

Amor sal die rol speel van die feeks Bella Donna, ’n tipe Maleficent-karakter.

Hulle begin in Maart met kleedrepetisies en in Mei sal dit waarskynlik in Caesars Palace in Gauteng opgevoer word. “Ek is mal oor die kostuums. Bella Donna het so ’n lang nek en horings wat uit haar hooftooisel groei. As ek eers in die kostuum inklim, gaan dit my nóg meer help om in die karakters in te kom.”

Charlize Berg vertolk die rol van Doringrosie.

“Ek het al in Amerikaanse produksies soos West Side Story en Streets of Gold met Amerikaanse regisseurs en choreograwe saamgewerk, maar ek hou daarvan om in Afrikaans toneel te speel. Mense dink verkeerdelik dit is nie my moedertaal nie.’’

Sy het ’n Italiaanse pa en Afrikaanse ma, was hoofmeisie op haar Afrikaanse en Engelse hoërskool en het ’n honneursgraad in kommunikasiekunde en bemarking (in Afrikaans) aan die (destydse) Randse Afrikaanse Universiteit (nou die Universiteit van Johannesburg) verwerf.

“Ek hou van enige passievolle taal, soos Afrikaans – ook Italiaans. My kinders is bloot in Engelse skole omdat Jordan ’n kogleêre-inplanting het. Ons het op drie uitgevind hy is gehoorgestremd en hy was toe in ’n Engelse skool. Ons is aangeraai om hom nie te verwar en in ’n Afrikaanse skool te plaas nie. Engels is ’n wêreldtaal.”

Oor die opvoering sê sy: “Dit gaan my poegaai maak, maar fiks hou. Ons doen nege optredes per week. Een elke aand, Saterdae drie en Sondae twee. Lewende optredes is my kos, dit is fun, maar jy moet baie goed voorbereid wees. Iets kan altyd verkeerd gaan – en dan moet jy kan aanpas.”

As enkelma hardloop sy baie rond. “Ek wil nie ’n au pair hê nie. Ek speel taxi vir my kinders, ry hulle aan na hul perdrylesse, sokker… Joost gaan saam waarheen hy kan, maar hy moet deesdae baie lê. Tog is ek nie negatief nie, ek beplan vir die toekoms. Ek glo alles gebeur met ’n doel. Wat help dit om jou te bekommer oor die toekoms? Terwyl ons praat, kyk ek na die pragtige sonsonderkoms, na ’n boot op die see … ek gaan dié oomblik nooit weer beleef nie. Dit is kosbaar. Ek waardeer wat ek het en besef dan hoe ek soveel meer terugkry in die lewe.’’

In 2011 was Amor die voorbladster van ons Julie-uitgawe.